Istig`forning 40 xosiyati

نبي عليه السلام هو استغفار عن أيشيتا بيور أورلانجلار ، أو أوزلاري أورناك بولانجلار.

Istig‘forning 40 xosiyati

Muallif: Ziyovuddin Rahim

Mehribon Parvardigorimiz Alloh taologa behisob hamdu sanolar aytamiz. Muallim Payg‘ambarimiz Muhammad Mustafoga, u zot oila a’zolariga, sahobalariga salavotlar, salomlar yo‘llaymiz.

Rasululloh sollallohu alayhi va sallam shunday marhamat qilganlar: “Kimda-kim ko‘p istig‘for aytsa, Alloh o‘sha (banda) uchun har qanday g‘am-tashvishdan qutulish, tanglikdan chiqish yo‘lini (paydo) qiladi, uni o‘zi o‘ylamagan tomondan rizqlantiradi”.

Nabiy alayhissalom bizni istig‘for aytishga buyurganlar, bu borada o‘zlari o‘rnak bo‘lganlar.

Rivoyatlarda kelishicha, u zot bir kunda 100 marta istig‘for aytardilar.

Ma’lumki, o‘tmishda o‘tgan ulug‘ zotlar, aziz avliyolar, solih kishilar ham istig‘for aytishgan.

Zero, istig‘forning xosiyati ko‘p. Jumladan, istig‘for aytsak, gunohlarimiz kechiriladi, ustimizga xayr-baraka yog‘iladi, ne’matlar ziyoda bo‘ladi, g‘am-tashvishlar ariydi, qalbimiz poklanadi.

Qolaversa, istig‘for bilan el-yurtimiz tinch-omon, sog‘lig‘imiz mustahkam bo‘ladi, bog‘-rog‘lar totli mevalar bilan to‘ladi, ariqlarda zilol suvlar oqib turadi, hayotimizga fayz-baraka kiradi.