सगरमाथाका क्षेत्रका वनस्पतिहरु

এভারেস্ট জাতীয় উদ্যানের ফুলগুলি জানতে এবং এই গাছগুলির ব্যবহার সম্পর্কে জানুন।

वनस्पति पारिस्थितिकविद एलिजावेथ बायर्स, नेपालको वनस्पति योजना, राष्ट्रिय निकुञ्ज तथा वन्यजन्तु संरक्षण विभाग र हाई कन्ट्रीएपको साझेदारीमा “सगरमाथाका क्षेत्रका वनस्पतिहरु” नामक मोबाइल एप निर्माण गारिएको छ । यो एपले सगरमाथा क्षेत्रका वनस्पतिहरु पहिचान गर्न मद्दत गर्नेछ । यस एपमा नेपालको सगरमाथा राष्ट्रिय निकुञ्‍जको गोरेटोमा देख्‍न सकिने करिब ५५० भन्दा बढी जंगलीफूल, बुट्यान र रुखहरुको संकलन गारिएको छ । यसमध्येका धेरै प्रजातिहरु सगरमाथाको नजिक रहेको मकालु­वरुण राष्ट्रिय निकुञ्‍ज, गौरीशंकर संरक्षण क्षेत्र तथा नेपालका सबैजसो उच्‍च हिमाली भेगमा पाउन सकिन्छ । यस एप चलाउनको लागि इन्टरनेटको आवश्यकता नपर्ने भएकाले जस्तोसुकै दुर्गम ठाँउमा पनि तापाईले यस एपलाई चलाउन सक्नुहुन्छ। यो एप अंग्रेजीमा छ तर प्राप्त भएसम्म नेपालि नाम पानि राखिएको छ।

प्रजातिको विवरण, फूल फूल्ने समय र पाइने उचाई, स्थानीय नाम, औषधी तथा सांस्कृतिक उपयोग र बिरुवाको बारेमा आवश्यक जानकारी समेतका विवरण सहितका २५०० भन्दा बढी विस्तृत र सुन्दर फोटोहरु यस एपमा राखिएको छ । मुख्यतया: यो अव्यवसायिक रुपमा बनाइएको भए तापनि यसमा प्राविधिक वर्णन, वैज्ञानिक नाम, पर्यावाची नाम र सन्दर्भ सामाग्रीहरु समावेश गरिएको छ जसले गर्दा अनुभवी वनस्पति विज्ञलाई यो एप झनै आकर्षक छ। यद्धपी धेरै प्रयोगकर्ताहरु आफुले चाहेको वनस्पति सहि रुपमा चिन्‍नको लागी सजिलो खोज प्रणालीको प्रयोग गर्न सक्छन । आफुलाई मन परेका फूलहरुको व्याक्तिगत सूची संकलन गरेर आफैलाई वा आफ्ना साथिलाई ईमेलमा पठाउन पानि सकिन्छ ।

“सगरमाथाका क्षेत्रका वनस्पतिहरु” एपमा सगरमाथा र यस क्षेत्रमा पाइने जंगली फूलहरु, फुल्ने मौसम, घुम्‍न जाने उपयुक्त समय, जलवायु परिवर्तन र यसले यस क्षेत्रको वनस्पति समुदायमा पारेको प्रभाव, सगरमाथा राष्ट्रिय निकुञ्‍जको नक्सा, सँगसगैं यस एप चलाउने विस्तृत जानकारी लगायतका सन्दर्भ सामाग्रीहरु रहेका छन् । साथै प्रयोगकर्ताले वनस्पति विज्ञानसँग सम्बन्धित विस्तृत शब्दावली, फूल,पात र पुष्पका नामाकरण सहित सचित्र बर्णन यस एपमा पाउनेछन् । आउनुहोस, यस आश्‍चर्यजनक विश्‍व सम्पदा क्षेत्रमा रहेका वनस्पतिहरुको बारेमा खोज्न र सिक्‍न शुरु गरौं ।