iSagha

متابعةلحظيةلاسعارالذهبفيالصاغهiSagha - 金价应用

متابعة لحظية لاسعار الذهب في الصاغه

iSagha "أي صاغة"

الابلكيشن بيخدم طرفي المعامله فى الذهب

البائع "الصائغ" و المشترى "الزبون"

زمان كان بيتكتب سعر الذهب فى الجرنال وكنا بنختلف مع بعض هل السعر صح وللا غلط لان الجرائد كانت بتطبع السعر بالليل والناس تفضل تتسائل وتختلف طول النهار تانى يوم ، ومن هنا كان بيبدأ الخلاف ..

دلوقتى الاسعار بقت بتتغير بسرعه جدا وكتير جدا جدا على مدار اليوم .. علشان كده الابلكيشن بقى أداه لمعرفه الاسعار فى نفس وقت تغيرها .. ازاى ...

حضرتك هتفتح الابلكيشن فى اى وقت هتلاقى سعر مكتوب السعر ده هو سعر الذهب فى هذه اللحظه فى الصاغه ..

طيب احنا بنجيب السعر منين !؟

السعر من اكبر تجار الجمله فى الصاغه اللى بيحددو السعر كل يوم للساده التجار اصحاب المحلات

علشان كده قولنا ان الابلكيشن بيخدم كل الناس

كمان تقدر حضرتك ك زبون عادى تعرف انت هتبيع للصائغ بكام لاننا وضعنا سعرى البيع والشراء بكل وضوح وأمانه دون أدنى مجامله ل طرف على حساب الاخر ..

قبل الاسعار هتلاقى جمله فيها التاريخ والساعه اللى تم وضع السعر على الابلكيشن فيهم

تحتها حضرتك هتجد سعر جرام الذهب من 24،21،18 وكمان سعر الجنيه الذهب وسعر الاوقيه بالدولار

وكمان سعر الدولار نقلا عن "البنك المركزى" تحديدا ..

ووضعنا كمان فى الاخر نسبه الخصم بين البيع والشراء ووضحنا ان دى النقطه اللى بتكون بين البائع والشارى بالتراضي .

امام كل سعر حضرتك هتلاقى مربع بياخد اللون الاخضر او اللون الأحمر ..

الرقم الموضح داخل المربع الاخضر : يمثل مقدار الارتفاع فى السعر عن السعر اللى كان قبله .

الرقم الموضح داخل المربع الأحمر : يمثل مقدار الانخفاض فى السعر عن السعر اللى كان قبله

الابلكيشن بيحدث السعر مع مع كل تغير فى السعر فقط علشان مانضايقش حضراتكم يعنى لو السعر اتحدث على الابلكيشن الساعه 3 عصرا مثلا وفضل زى ما هو لحد الساعه 5 حضرتك كن على ثقه ان هو ده نفس سعر الذهب وان مفيش تغير حدث فى الصاغه من الساعه 3 وإلا كنّا حدثنا السعر ..

احيانا بيحصل ان الصاغه بتوقف التعاملات وده بنوضحه لحضراتكم عن طريق تصفير الابلكيشن وكتابه عباره "تم وقف التعاملات بالصاغه الان "

وكمان بيوصل لحضرتك نوتيفيكشن فى الحالتين عند التوقف وعند الرجوع للتعاملات .

كمان حضرتك ماتقلقش لان بيوصلك نوتيفيكشن على تليفونك مع كل تغير بيعرفك ان السعر اتغير دلوقتى علشان كده من فضلك وانت بتنزل الابلكيشن لو طلب منك موافقه وافق على وصول النوتيفيكشن علشان يوصلك التنبيه باستمرار مع اى تغير

عندنا مساحه اعلانيه تخص الساده التجار اصحاب المحلات او تجار الجمله او المصنعين وبنرحب جدا بيهم للإعلان عندنا وكمان عندنا اعلانات مجانيه ليهم على سبيل التجربه

ممكن تعمل شير للابلكيشن من خلال ايقونه الفيس بوك او تويتر او حتى تبعته ع الميل من خلال الأيقونات اللى فى اخر الصفحه ..

بإذنه الله سيتم تحديث الابلكيشن باستمرار بناء على طلبات حضراتكم ومش هنقف عن هذا الحد علشان كده احنا بنرحب بكل مقترحاتكم ويسعدنا جدا مشاركتكم معانا