თავს ვანებებ

Eine Anwendung, die Ihnen dabei hilft, Ihre Stimmung und Stimmung in den Griff zu bekommen.

"თავს ვანებებ" სმარტფონის უფასო აპლიკაციაა, რომელიც დაგეხმარებათ მართოთ თამბაქოს მოხმარების სურვილი და განწყობა; აკონტროლოთ მოწევისათვის თავის დანებების პროგრესი.

განსაზღვროთ ის ძირითადი მიზეზები, რის გამოც უარს ამბობთ თამბაქოზე; განსაზღვროთ მოწევის მაპროვოცირებელი ძირითადი ფაქტორები; დასახოთ სტრატეგიები მათ გასამკლავებლად, რაც ხელს შეგიწყობთ წარმატების მიღწევაში და დაგეხმარებათ გახდეთ თამბაქოსგან თავისუფალი.

აპლიკაცია გთავაზობთ რეკომენდაციებს თამბაქოს მოხმარების სურვილის დროს. ისარგებლეთ ამ რეკომენდაციებით, ისინი დახმარებას გაგიწევენ მართოთ საკუთარი განწყობა და ხელს შეგიწყობთ თავის დანებების პროცესში.

კონფიდენციალურობა:

აპლიკაცია წარმოადგენს Smokefree.gov (SfG) -ის პროდუქტს, რომელიც შექმნილია აშშ კიბოს საერთაშორისო ინსტიტუტის (National Cancer Institute, NCI) თამბაქოს კონტროლის კვლევითი განყოფილების მიერ როგორც თამბაქოსათვის თავის დანებების ხელშეწყობის მნიშვნელოვანი რესურსი.

აპლიკაცია შეიქმნა თამბაქოს კონტროლის სფეროში მოღვაწე სპეციალისტების, თამბაქოსათვის თავის დანებების სფეროს ექსპერტების და ყოფილი მწეველების ერთობლივი თანამშრომლობის შედეგად. ქართულად თარგმნა და ადაპტირება მოახდინა დაავადებათა კონტროლისა და საზოგადოებრივი ჯანმრთელობის ეროვნული ცენტრის არაგადამდებ დაავადებათა დეპარტამენტმა ჯანმრთელობის მსოფლიო ორგანიზაციის ხელშეწყობით.

დაავადებათა კონტროლისა და საზოგადოებრივი ჯანმრთელობის ეროვნული ცენტრი პატივს ცემს და, შესაბამისად, მტკიცედ დაიცავს აპლიკაციის თითოეულ მომხმარებლის კონფიდენციალურობას. აპლიკაცია შეაგროვებს მხოლოდ ინფორმაციას მომხმარებელთა რაოდენობის შესახებ, რაც აპლიკაციის შემდგომი გაუმჯობესების საშუალებას მოგვცემს.