Rozatul Saliheen روضۃ الصالحین

Rozatul Saliheen Urdu Sharha Riad Al-Saliheen

مولا نا عبد الرحمن الکوثر ابن حضرت مولانا محمد عاشق الہی صاحب ( مقیم مقیم ۅیی

والصلوة والسلام على سيّد الانبياء والمرسلين سو

محمد و و على آله و صحبه! اما بعد! اس سے امت اسلامیہ ہمیشہ سے فائدہ حاصل کرتی رہی ہے۔ اور آئندہ بھی ان شاء اللہ تعالیٰ اس سے استفادہ جاری رہے گا۔ لیکن چونکہ کتاب عربی میں ہے اور اہل اردو اس سے فائدہ حاصل کرنے سے قاصر ہیں۔اس لئے کافی عرصہ سے اس بات کی ضرورت محسوس کی جارہی تھی کہ اس کا اردو ترجمہ اور شرح لکھی جائے۔تا کہ عربی نہ جاننے والے حضرات بھی اس کی افادیت سے مستفید ہوسکیں۔ حضرت والد صاحب ( مولانا محمد عاشق الہی بلند شہری اپنی زندگی میں اس کتاب کی شرح لکھنے کا ارادہ فرماتے رہے مگر دوسری تالیفات کی وجہ سے تمنا پوری نہ کر سکے۔بالآخر اس کام کی طرف والد صاحب نے اپنی حیات میں مولانا محمد حسین صدیقی زید مجدہم (استاد حدیث جامعہ بنوریہ) کو اس کا حکم فرمایا۔ ان کا والد صاحب سے کافی عرصہ سے تعلق بھی تھا ان پر اعتبار بھی تھا۔ اس سے پہلے بھی ان کو کئی کتا بیں لکھنے کا فرما چکے تھے۔ کچھ قرض تو مولانا موصوف اتار چکے ہیں اور ابھی ان پر کچھ قرضہ ادھار بھی ہے۔ بہر حال اس کتاب کی شرح کے وقت مولانا موصوف ابتداء انکار کرتے رہے، مگر والد صاحب کے اصرار پر وہ کام کے لئے آمادہ ہو گئے۔ والد صاحب کی حیات میں اس کی تین جلدیں چھپ کر منظر عام پر آچکی تھیں۔ والد صاحب نے اس پر ایک مقدمہ بھی تحریر فرمایا تھا مگر نا معلوم وہ کہاں گم ہو گیا، صرف مختصری تقریظ جلد ثانی کے ابتداء میں موجود ہے۔ بہر حال اس شرح سے نہ یہ کہ صرف عوام مستفید ہو رہے ہیں بلکہ طلبہ علم اور علماء بھی فائدہ اٹھا رہے ہیں یہ شرح ایک عظیم علمی کارنامہ ہے جو اللہ نے مولانا موصوف سے لیا۔اللہ تعالیٰ سے دعا ہے کہ اللہ تعالیٰ اس شرح کو اسی طرح قبول فرمائے جیسا کہ اصل کتاب کو قبول فرمایا ہے۔ اور اس شرح کو والد صاحب اور مولانا محمد حسین صدیقی زید مجدہم کے لئے ذخیرہ آخرت بنائے۔الدال على الخير كفاعله.وصلى الله وسلم على سيدنا و نبینا محمد وعلى الله وصحبه اجمعين ومن تبعهم باحسان الى يوم الدين.

مسجد نبوی شریف بین المغرب والعشاء

عبد الرحمن الكوثرابن مولانا محمد عاشق الہی بلند شہری