Glosariu Turizmu Hahaan

Tourism and food glossary of Tetun Dili, East Timor

Glosariu Turizmu no Hahaan

ho lian Tetun, Portuges, Ingles ho Indonezia

Hakerek nain: Catharina Williams-van Klinken, Helio Brites Seixas, Cesaltina Martins Tilman, Martinha Rodrigues Rebelo Santos Silva, Marta Cardoso, Anabela Maia Santos ho Justino da Silva.

© Dili Institute of Technology 2016.

Dili Institute of Technology oferese glosariu turizmu no hahaan nee atu tulun dosente, estudante ho see-see deit mak servisu iha area turizmu, ospitalidade, tein ho agrikultura atu bele komunika ba malu. Dosente sira nebee hasai sira nia estudu ho lian Indonezia presiza liafuan foun atu bele hanorin estudante sira nebee eskola ho lian Tetun ho Portuges. Ema barak nebee servisu iha area turizmu ho tein mos presiza hatene Ingles atu bele komunika ho sira nia parseiru ho kliente internasional. Tanba nee, Dili Institute of Technology nia Sentru Estudu Lingua servisu hamutuk ho fakuldade Turizmu hodi buka liafuan ho lian haat nee hotu. Liafuan Tetun iha lista turizmu nian, balu foun. Liafuan foun nee balu adapta hosi Tetun duni, balu foti hosi Portuges, i balu foti hosi lngles ka lian Indonezia.

Glosariu nee iha liafuan Tetun 500 resin iha area turizmu ho ospitalidade, ho tan liafuan 700 resin iha area tein ho hahaan. Ita bele buka liafuan tuir Tetun, Portuges, Ingles ho lian Indonezia. Ita mos bele buka tuir kategoria, hanesan akomodasaun, ai fuan ka modo. Se ita boot iha sujestaun oinsaa mak atu hadia, bele hakerek email ba [email protected].

Glosariu nee bele sosa nudar livru ka bele download hosi www.tetundit.tl. Sitiu web ida nee mos hatudu rekursu seluk tan nebee Dili Institute of Technology nia Sentru Lingua prepara ona.