Осори Имоми Аъзам Абўҳанифа (р)

オソリオImomiアザムAbўҳanifa（P）

https://vk.com/kitobhona

https://ok.ru/group/53630571643013

Имоми Аъзам Абӯҳанифа (р) – имоми босафо ва сироҷи умматони Мустафо, шахсияти барҷаста дар таърихи фиқҳи исломӣ, яке аз пешвоёни суннат ва поягузори мазҳаби ҳанафӣ мебошанд. Панду насиҳатҳои Имоми Аъзам ба он дараҷае пурборанд, ки қадру манзалати худро то ҳол гум накардаанд. Имоми Аъзам аз фарзандони барӯманди форсу тоҷик аст, ки дини ислом аз онҳо зебу фар ёфтааст. Бо мақсади хотиррасон кардан аз хизматҳои ин муҷтаҳиди бузург соли 2009 дар тамоми қаламрави Ҷумҳурии Тоҷикистон Соли бузургдошти Имоми Аъзам эълон гардида буд. Умедворем, ки версияи телефонии Осори Ҳазрати Имоми Аъзам барои тарбияи динии Шумо такони ҷиддӣ ва нафъборе бахшад.

Аҳвол ва осори ҳазрати Имоми Аъзам Абўҳанифа (р)

Китоб бо маблағи холисона ва беғаразонаи родмарди саховатпеша дўст ва бародари гиромӣ - мўҳтарам Мирзосафар Хаёлбеки Ализодаи Яғнобӣ рўи чоп омад, ки муаллиф аз эшон ба ғояти тамом миннатдор ва сипосгузор аст. ҳаққи чоп ва нашр маҳфуз ва махсуси ношир мебошад.

Китобе, ки дар дасти мубораки хонандаи азиз ва пешорўйи дидагони борикбини аҳли назар қарор гирифтааст, дар таърихи мазҳабшиносии тоҷик падидае дигар буда, дар он ба таври муфассал андешаҳову нигоштаҳои муҳаққиқи исломшинос - Сайид Бурҳониддини Бузургмеҳр (Тўраев Бурҳониддин Бузургович) оид ба аҳвол ва осори лозаволи яке аз барҷастатарин шахсиятҳои олами Ислом - муассиси мазҳаби муҳаззаби ҳанафия (маъруф ба мазҳаби Имоми Аъзам) инсони комил ва фақеҳи кабиру имоми шаҳир (аз шумори тобиъин), яъне, «Чароғи уммат» - ҳазрати Имоми Аъзам Абўҳанифа (р) (699 м. – 767 м). рўи авроқ навишта шуда...

ҳамчунин, ба ғайр аз бозшинохти аҳвол ва осори ҳазрати Имоми Аъзам Абўҳанифа (р), дар китоби ҳозир дар бораи таърихи пайдоиши равия, мазҳабҳову фирқаҳо ва тариқаҳову силсилаҳои Ислом ва ба хусус, мазҳаби муҳаззаби ҳанафия, низ маълумоти мукамал дода шудааст.

Китоб ба лутфу табъи мубораки диншиносон (ҳақшиносон), мударрисони мадорис ва донишкадаи исломӣ, устодону донишҷуёни донишкадаву донишгоҳҳои олии кишвари соҳибистиқлол ва ба ҳамаи он азизоне, ки ба масоили исломшиносӣ, ба хусус, ба омўзиши фарҳанги тамаддуни исломӣ пажўҳиш мебаранду барои интишори дини мубини Ислом ва ривоҷу густариши беҳтарин мазҳаби Ислом - мазҳаби муҳаззаби сироҷи умам – мазҳаби ҳазрати Имоми Аъзам Абўҳанифа (р) (яъне, ҳанафия ки қадимтарин ва беҳтарин мазҳаб буда, аз он бўи файзи Расулуллоҳ (с) ва асҳоби Расули акрам (с) ба машоми мўъминон мерасад) дастандаркоранд, пешкаш мегардад.