Акыйкат жолу китеби

Chubak AJI Jalilov“Akyikat Zholu”。 2014年比什凱克

Өтө мээримдүү Аллах Тааланын аты менен...

Кудай Таалам ушул китепти окуган ар бир мусулман пендесине жакшылык жазган болсун!

Кудай Таалам ушул тырмак алды эмгекке канча сооп жазган болсо, ошол соопторду ыраматылык чоң энем Уруятканга багыштадым. Ал киши менин медресеге окуума чын дитинен ырааз ыболгон, менин ар бир ийгилигиме сүйүнгөн, колунан келишинче намазын калтырбай окуган, алынын жетишинче такыбалыкты карманган кемпир эле. Кемсел, тебетей, тон тиккен колунан көөрү төгүлгөн чебер уз да эле.

Раматылык чоң энем намаз окуганда намаздын бардыгын так деле билчү эмес, ал эмес фатиха сүрөсүн да чала-моңол эле окучу. Ошого карабай беш маал намазын калтырбай ыкылас менен окуур эле. Орозо айындагы кадыр түндө жүз рекет нафил намазды парздай эле көрүп катуу амал кылчу.

Ажыга барган адамдар конок болуп келип калса небере аттууларынын баарын топтоп, алардын оозуна түкүртчү.

Чын дүйнөгө сапар алаарынан бир аз мурунураак атама, раматылык Арыкбай акенин торпогун алтымыш жыл мурун кокустан өлтүрүп алгандыгын, жалгыз бой жесир аял болуп төлөй албай калып, ошону дале мойнундагы карызы деп эсептеп жүргөндүгүн айтып карызынан кутулганы эсимде.

Чоң энемдин Манас эпосуна болгон махабаты, түгөнбөгөн жомоктору, маңыздуу кошоктору узаргандан узарган намаздары, үч катар салынган үлпүлдөгөн жоолуктары жана мен жадаганча "Манастан" окутуп укканы эсимде калды.

Чоң энем өмүр бою аялзатына таандык назиктиги менен, сыпаалыгы менен чөнтөгүнөн күзгүсү, бет майы үзүлбөгөн, кийимди табит менен кийинген ак сөөктүк мартабасы менен "байманалуу Кулмолдонун кызы" деген атын сактап өттү.

Ошондой эле, соопторду чоң атам раматылык Жалилге да багыштаймын. Тилекке каршы ал киши жөнүндө мен эмес, менин атам деле жакшылыктуу элестете албайт экен. Анткени, атам үч жашында эле чоң атам каза болуптур. Жалил аксакал эмгектин каарманы болуп, үзүрлүү мал баккандыгы үчүн Сталиндин колунан "ардак кагаз" алууга татыктуу болуп, башында чоң энем тигип берген калпагы менен Москвага барыптыр. Сыйлыкты тапшырып жаткан учурда, калпагын жактырып (белекке алгысы келген го) сураса, кыргыз баш кийимин белекке берчү эмес деп бербей койгонун али күнчө айтып жүрүшөт. Ардак кагазы да азыркыга чейин сакталып жүрсө керек. Чоң энем аны сегиз кат кылып бүктөп сактаар эле. Тумарды бүктөгөндөй кылганы го кыязы.

Менин чоң энем чоң атамдын сегизинчи аялы болуптур. Аялдары өлүп, кээ бир учурда жесир калган жеңесин алып, акыры чоң энемден узаган экен.

Ушул эмгегимди чоң энеме, чоң атама жана анын чоң энемден башка жети аялынын баарына багыштадым. Кудайым алардын баарына бейиш насип эткен болсун.

Жаман небереңер Чубак Жалилов

Макалалар:

Хадис илими

Имам деген ким

Мазхаб керекпи?

Өңгөсүн коюп Манасты айт

Фатва деген эмне? Фатваны берүүгө ким укуктуу?

Улуу устаз тууралуу

Айың кепке акыркы чекит

Ахмадийлердин куран котормосу колдонууга жараксыз

Бактылуу үй-бүлө

Акыйкат жалгыз, ал сан менен саналбайт

Үйлөнүү Аллах Тааланын пайгамбарларынын-элчилеринин сүннөтү

Үйлөнүүнүн пайдалары

Исламдагы аялдардын кийими

Кимге ишенебиз?

Мавлидди өткөрүү шариятка каршы эмес

Пайгамбарыбызды (С.А.В.) эстөө милдет

Мавлидди майрамдоонун себептери, максаттары жана пайдалары

Бидъат эки түрдүү болот

Мавлидди майрамдоого болбойт дегендер жаңылат

Жыйынтык сөз

Мародёрлорго жаназа окулабы

Мал-дүнүйөсү тонолуп жаткан адам эмне кылуусу керек?

Мародёрге кандай жаза берилет?

Асуу кандай тартипте жүргүзүлөт?

Канча мөөнөткө асып коюлат?

Пара бербестен, бара бер

Пара эмне үчүн берилет?

Пара алуу төмөндөгү үч жолдун бири аркылуу такталат

Пара алуучуга, берүүчүгө, ортого түшүүчүгө берилүүчү жазалар

Маалымат таратуунун мааниси

Телефон менен сүйлөшүүнүн адеби

Онгосун коюп Манасты айт

Фатваны берууго ким укуктуу?

Айын кепке акыркы чекит

Бактылуу уй-було

Мавлидди откоруу шариятка каршы эмес

Мародёрлорго жаназа окулабы

Пара бербестен, бара бер

Маалымат таратуунун мааниси

Телефон менен суйлошуунун адеби